urdu poetry part 355

Phir kaha'n thokar lagegi aur kya sambhlenge log..
Raaste se jab koyi patthar utha le jayega..

SHAYIR:
ILYAS RAHAT, (U.P.)


Ushshaaq-e-namuraad ka anjaam dekh kar.
Nafrat si ho gayi hai Mohabbat ke naam se.

SHAYIR:
IBN-E-HASAN Bhatkali.
(Karnataka)




Bojh har ek mere zehn se hat jaata hai..
Hans ke Beta mera jab mujh se lipat jaata hai..

SHAYIR:
WASIM RAJUPURI. (U.P.)




Chand lamhe bhi na guzre hain mile unse magar..
Phir se milne ki tamanna hai dil-e-betaab me..

SHAYIR:
HAMSAFAR KUMTAVI.




Ab uski yaad sone deti nahi kahein bhi..
Ek shab teri gali me jo ham guzaar aaye..

SHAYIR:
KHALID FATEHPURI,
(Lucknow)


Bimaar mat bano kabhi yaktarfa pyar ke..
Ye La-dawa maraz hai bhayanak hai maut se..

SHAYIR:
SAIFULLAH ARSHAD SAIF...




Hulya tawangari ne jab uska badal diya..
Usne libaas ki tarah shajra badal diya..

SHAYIR:
WASIM MALIK,
Surat. (Gujarat)




Dekha hai jab se aap ko taaro'n ki chhao'n me.
Ek aag si lagi hai mere dil ke gaao'n me.

SHAYIR:
BISMIL BHATKALI
(Karnataka)




Kabhi ghuroor na karna HAYAT phoolo'n par..
Khaza'n ke saath juda hai bahaar ka mosam..

SHAYIR:
SHAMEEM HAYAT,
Bangalore.




Zamane bhar ke gham ka bojh dil par toot jaata hai.
Kisi muflis ka jab Barish me chhappar toot jaata hai.

(RASHID RAJUPURI)

urdu poetry part 354

Takoge raah Saharo'n ki tum Miya'n kab tak..
Qadam uthao ke taqdeer intizaar me hai..

SHAYIR:
TABISH MEHDI,
(New Delhi)


Kisi ka husn na tehra meri nigaaho'n me..
Jab apni zaat ka irfaan ho gaya mujh ko..

SHAYIR:
YAQOOB ASLAM,
Vaniyambadi.




Tarz-e-sulook usne jo apna badal diya..
Ham ne bhi apna taur tareeqa badal diya..

SHAYIR:
MAHB00B RAHI,
Akola. (Maharashtra)




Ab siwa tere dikhayi nahi deta kuchh bhi..
Dil ko kis mod pe le aayi mohabbat teri..

SHAYIRAH:
ANU JASROTIA,
Kathua. (J&K)




Jal rahi hain teri yaado'n ki tapan se aankhe'n..
Ban ke aa mast baharo'n ki hawa ka jhonka..

SHAYIRAH:
Dr. Virottama Sargam




Nahi hai koyi kharidaar apna dunya me..
Hamara haal bhi
Urdu kitaab jaisa hai..

SHAYIR:
RAJENDAR NATH REHBAR,
Pathankot.




Nikal raha hai dhuwa'n aankh ke dareecho'n se..
Makaan-e-zaat me jalta huwa sa kuchh toh hai..

SHAYIR:
ALTAF ZIA, (Malegaon)




Mai tere Khat ke mutabiq toh jaagta hun magar..
Ye aasra meri aankhe'n kharaab kar dega..

SHAYIR:
HASEEB SOZ,
Budaun. (U.P.)




Tadapna talmalana toh dil-e-momin ka shewa hai.
Sifat Seemaab ki Patthar ke andar aa nahi sakti.

SHAYIR:
Dr. Fitrat Bhatkali




Bulandi jab muyassar ho taherna seekhiye us par..
Agar aankho'n se girte hain kuchal jaate hain Qadmo'n me..

(ILYAS RAHAT)