urdu poetry part 310

Hai ghaneemat jis Qadar mil jaaye warna Zindagi..
Ek Diya hai jo Hawa ki zad pe hai rakkha huwa..

SHAYIR:
ILYAS RAHAT (U.P.)


MAA ne lipat ke jab mujhe aaghosh me liya..
Mehsoos ye huwa ke me jannat me aa gaya..

SHAYIR:
JAVED AASI,
Rajupur. (U.P.)


Unke haath rehte hain manzilo'n ke shano'n par..
Qafile duawo'n ke jinke saath chalte hain..

SHAYIR:
SAIF DEOBANDI...


Apne dosto'n ke mobile par GHAZAL4U Activate keejye aur URDU SHAYIRI
ko ghar ghar pahonchane me hamare saath ta'awoon keejye.


Please co-operate with us by persuading ur dear ones to activate GHAZAL4U

For activation:
sms
START GHAZAL4U
to
575758


Jhoot chhup sakta nahi tum lakh parde daal do..
Jhoom kar angdayi lengi ek din sachchayiya'n..

SHAYIRAH:
ANU JASROTIA. (J&K)


Usay zaroor dagha di hai uske apno'n ne..
Woh jab bhi dekhye thanhayiyo'n me rehta hai..

SHAYIR:
RASHID RAJUPURI, (U.P.)


Jab woh Dushman tha koyi khauf nahi tha mujh ko.
Uske badle huwe jazbaat se dar lagta hai.

SHAYIRAH:
URMILA URMI,
(Gujarat)


Nahi gar ponchh paye'n ham kisi mazloom ke aansu..
Toh phir kis kaam ke ye seem-o-zar achchhe nahi lagte..

(KUSUM KHUSHBU)


Gham
Dard
Ashk
Gardish-e-shaam-o-saher Junu'n..
Kis kis ki nazr kar du'n meri mukhtasar hayaat..

SHAYIR:
NADEEM FAROOQI.

urdu poetry part 309

Thukra do agar de koyi zillat se samandar.
Izzat se jo mil jaaye woh Qatra hi bahut hai.

SHAYIR:
AALAM NIZAMI,
(Balrampur.)


Jiska adab ke saath kare'n bijliya'n tawaaf..
Ek aisa Aashiyana banao toh baat hai..

SHAYIR:
ABDUL KHALIQ ANEES,
(Bhatkal)


Jahaan de de Asar de de Martaba de de..
Khuda Namaaz ki barkat se jaane kya de de..

SHAYIR:
MASROOR TABISH,
Rajupur. (U.P.)


Woh hi insaa'n hai Bahadur wahi azmat wala.
Jisne ghusse me bhi rakkha hai zuba'n par Qaabu.

SHAYIRAH:
Dr. Virottama Sargam.


HADEES:
"The powerful individual is not he who; knocks the other down, but he who controls himself in a fit of anger."

Kaha'n tak raaz ko phir raaz rakh pawoge Ay RAHI.
Jo kuchh dil me hai dunya ko dikha dega wahi chehra.

SHAYIR:
MAHB00B RAHI.


Ye sachcha tajriba hai jab bhi chaho aazma lena..
Jo Dushman kar nahi sakta woh Rishtedaar karte hain..

SHAYIR:
HASEEB SOZ.


Saharo'n ki kisi se koyi bhi ummeed mat rakkho..
Ye dunya hai yaha'n khud hi sambhal kar chalna padta hai..

(S.HAIDER RAZA)


Jinse ho'n tareek raaho'n me na kuchh bhi roshani.
Un charagho'n me kabhi tanweer mat dhoonda karo.

SHAYIR:
TALIB SIDDIQUI.


Azmat-e-niswaniyet Parde me hi mastoor hai.
Mah-jabeeno'n keliye Bepardagi achchhi nahi.

SHAYIR:
BISMIL BHATKALI
(Karnataka)