urdu poetry part 283

Tere Labo pe mera naam toh nahi lekin..
Teri Nazar ko mera intzaar hai ke nahi..

SHAYIR:
GHOUSE PEER HAMDARD,
Davangere.


Tu kisi ko kuchh bhi de Malik mere marzi teri..
Par dil-e-hamdard ko har dard ki pehchan de..

SHAYIR:
GHOUSE PEER HAMDARD.


Lab tere misre hain aise Sher ke..
Jo Ghazal me sab se pyara ho gaya..

SHAYIR:
GHOUSE PEER HAMDARD,
Davangere.
(Karnataka)

Ishq ki raah me dil par jo lage hain charke..
Ghair mumkin hai ke is dard ka darma'n hona..

SHAYIR:
GHOUSE PEER HAMDARD.

Ye ada rooh ko taskeen diye jaati hai..
Qatl ke baad mere uska pashema'n hona..

SHAYIR:
GHOUSE PEER HAMDARD,
Davangere.

Meri bebasi mere karb ko na samajh sakoge fasadiyo.
Ke maka'n tumhara fasad me mere ghar ki tarha jala nahi.

BISMIL BHATKALI


Zamana aur hai ab sirf Beti tak nahi mahdood..
Jawa'n Beta bhi ab Mabaap ki neende'n udata hai..

SHAYIR:
WASIM Rajupuri.


Nazre'n utha ke dekh le ek baar is taraf.
Aankho'n me meri ab nahi tere siwa koyi.

SHAYIR:
Dr. Tahir Malik,
Rampur Maniharan


Ay zindagi tu sab ko nihayet azeez hai..
Mumkin nahi hai tujh se baghawat kisi tarah..

SHAYIR:
SAIFULLAH ARSHAD SAIF.


Usi waadi me phir se laut jaye'n hai yahi dil me..
Milan ke geet Charwaha jaha'n Bansi pe gaata hai..

SHAYIRAH:
ANU JASROTIA

urdu poetry part 282

Haseen shakl se matlab nahi mohabbat ko.
Woh ek ada hai jise dil pasand karta hai.

SHAYIR:
Dr. Fitrat Bhatkali.
(Karnataka)


Baithne deejye Mekhwaar ko Wayiz ke Qareeb..
Sohbato'n se bhi khayalaat badal jaate hain..

SHAYIR:
Dr. Fitrat Bhatkali.


Zakir wahi hai zikr me jisko maza mile..
Aabid wahi hai sajde me jisko Khuda mile..

SHAYIR:
Dr. Fitrat Bhatkali.
(Karnataka)


Ye dard-e-mohabbat nahi har shakhs ki Qismat..
Kehte hain mohabbat jise uski hai kasak aur..

SHAYIR:
Dr. Fitrat Bhatkali.


Is se badi jahaan me daulat koyi nahi.
Woh khush-naseeb hain jinhe Maa ki dua mile.

SHAYIR:
Dr. Fitrat Bhatkali.
(Karnataka)


Pahonch paate nahi us tak mere Khat kyun Khuda jaane..
Mere bheje huwe saare Lifafe laut aate hain..

SHAYIR:
NARESH NISAR.


Yahi ek aarzu hai saath mil jaaye tera mujh ko..
Mai tere waaste har ek museebat jhel sakti hun..

SHAYIRAH:
NOURIN MAHEK.


Roshani ban ke nazar me meri rehne waale.
Dil ki dunya me meri aa ke ujala kar de.

SHAYIRAH:
Dr. Virottama Sargam,
Bangalore


Jo jagmagata rahe teerah zindagi ko meri.
Tum apni yaad ka ek aaftaab rehne do.

SHAYIRAH:
KUSUM KHUSHBU,
Gurdaspur. (Punjab)


Hamsafar ham jinko ek muddat talak maana kiye..
Saath chalne se hamare woh hi katraya kiye..

SHAYIR:
HAMSAFAR KUMTAVI.