urdu poetry part 247

Utha kar dil ka aayina kiya didaar Ay REHBAR..
Hamare dil ne chaha hai kabhi jab dekhna usko..

SHAYIR:
RAJENDRANATH REHBAR.




Ab toh ban kar haqeeqat chale aayiye..
Thak gaya hun mai sapne sajota huwa..

SHAYIR:
SHAMEEM HAYAT,
Bangalore.
(Karnataka)




Woh mu'amma hai meri zindagi jise hal koyi bhi na kar saka.
Mai zabaan hun kisi aur ki Mujhe bolta koyi aur hai.

ILYAS RAHAT




Mujhe itna sataya hai mere apne azeezo'n ne..
Ke ab Jangal bhala lagta hai Ghar achchha nahi lagta..

SHAYIR:
MUNAWWAR RANA

urdu poetry part 246

Dil me hasad liye hai jo phoolo'n se baaghba'n.. Sehn-e-chaman me aayegi fasl-e-bahaar kyun..

SHAYIR:
SAIFULLAH ARSHAD SAIF.




Darega kaun tashaddud ki teergi se NADEEM.
Hamare paas azaayim hain chandani ki tarah.

SHAYIR:
NADEEM FAROOQI,
Ramanagram.




Yaha'n par Khoon sasta hai koyi Qeemat nahi uski.
Ta'ajjub hai yaha'n Paani ki Qeemat kam nahi hoti.

SHAYIR:
SABA DARBHANGVI




For the promotion and upliftment of
URDU POETRY
Please co-operate with us by persuading your
dear ones to activate GHAZAL4U.




Aaqibat barbaad kar degi ye aadat aap ki..
Yu'n na har ek baat par jhooti Qasam khaya karo..

SHAYIR:
IBN-E-HASAN Bhatkali.




Aap ne chaha tha jaisa uska ulta ho gaya..
Zehr-e-gham peene se bhi bimar achchha ho gaya..

SHAYIR:
SHAMEEM KIRATPURI.




Woh shakhs kya jiyega zamane me shaan se..
Jo shakhs dushmano'n se muqabil me dar gaya..

SHAYIR:
YAQOOB MOHSIN,
Meerut.




Rok sakti thi magar ruswayiyo'n ke khauf se..
Dil pe patthar rakh ke usko alvida kehna pada..

SHAYIRAH:
NOURIN MAHEK...




Azayim me mere shaheen si parwaz hoti hai..
Sitaro'n se bhi aage apni manzil dekh leta hun..

SHAYIR:
ABDUL KHALIQ ANEES.




Jab bhi tum usko bujhawoge bhadak utthegi..
Ishq woh aag nahi hai jo bujha de koyi..

SHAYIR:
JALAL MADANI,
Vaniyambadi.