urdu poetry part 317

Ghul raha hai har lamha zindagi ka sarmaya..
Barf ke pighalne me dair kitni lagti hai..

SHAYIR:
SYED HAIDER RAZA.
(Shamli)




Har samt ehtimaam hai Ramazan keliye..
Mauqa ye bakhshisho'n ka hai insaan keliye..

SHAYIR:
JAVED AASI, Rajupur.
(U.P.)




Mahfooz jiski lau se na ho'n ghar ke baam-o-dar..
Aise diye ko SHAMS bujha dena chahiye..

SHAYIR:
SHAMS DEOBANDI. (U.P.)




Raat soye thay tasauwur ke chaman-zaaro'n me..
Subh jaage toh khayalaat ka sehra paya..

SHAYIR:
MAHB00B RAHI,
(Akola)




Whenever a Muslim supplicates for his(Muslim) brother in his absence, the angels say: May the same be for you too.
(Muslim)




Matlabi dunya me ANJUM tere gham baantega kaun..
Rabita rakkhenge tujh se log apne kaam tak..

SHAYIR:
ISHWAR DATT ANJUM.




Mujhe bhi maal-o-zar paane ki hasrat tang karti hai..
Zameer-o-zarf ka lekin mai sauda kar nahi sakta..

SHAYIR:
IBN-E-HASAN.




Mai jinko din ke hangamo'n me jaa kar chhod aata hun..
Zara si aankh lagte hi woh sapne laut aate hain..

SHAYIR:
WASIM MALIK




Kal ameer-e-shehr ne sikko'n me tola hai usay..
Lag raha hai ghaliban us ne sharafat chhod di..

SHAYIR:
ILYAS RAHAT (U.P.)




Hazaro'n koshishe'n kar ke bhi Ghurbat haar jati hai.
Yaha'n par Rishwate'n chalti hain Mehnat haar jati hai.

WASIM RAJUPURI

urdu poetry part 316

 Allah ka bhi khauf na tha jisko kal talak..
Saye se apne SAIF woh darne laga hai aaj..

SHAYIR:
SAIFULLAH ARSHAD SAIF.


Najane khwahishe'n kitni woh paale baitha hai..
Jo apni marzi se ek saans bhar nahi sakta..

SHAYIR:
IMRAN ADEEB
Jhinjhanvi.




Hausale khud hi batayenge bulandi ki nisha'n.
Raah me apna khat-e-taqdeer mat dhoonda karo.

SHAYIR:
TALIB SIDDIQUI, (Bihar)




Hai nafrat aaj kaanto'n ko bhi mujh se..
Mai ek ghuncha hun murjhaya huwa sa..

SHAYIR:
HAMSAFAR KUMTAVI.
Kumta. (Karnataka)




Hai zinda ke jeene ki saza kaat raha hai.
Woh shakhs jo
ahkam-e-khuda kaat raha hai.

SHAYIR:
MASROOR TABISH,
Rajupur. (U.P.)




Band mutthi hai toh Kankar par bhi Heere ka guma'n..
Mat kisi ke saamne Aansu baha faryaad kar..

SHAYIR:
RASHID RAJUPURI.




Toot kar shaakh par yunhi atka huwa..
Zindagi ek patta hai latka huwa..

SHAYIR:
SHAMEEM HAYAT,
Bangalore. (Karnataka)




Chand lamhe shaakh par khil kar jo Gul murjha gaya.
De gaya paigham Ham ko zindagi ki shaam ka.

SHAYIR:
SHAAD JAMAYI (BKL)