poetry part 45

Mai ne bila sabab tujhe patthar nahi kaha..
Kehna pada hai isliye k bolta nahi..

SHAYIR:
Shameem Hayat,
Bangalore...




Rashk aata hai taraqqi pe meri sab ko magar..
Jaanta koyi nahi kitna paseena nikla..

SHAYIR:
AHMED NAZEER,
Vaniyambadi.




Kar diya ishq ne tere badnam yu'n..
Ungliya'n Log mujh par uthane lage..

SHAYIR:
ABDULLAH RAAZ Deobandi,
Saharanpur,
(U.P.)




Chhupawoge kaha'n tak raaz dil ke tum tabassum se..
Zaba'n se kuchh na bolo par ye aankhe'n bol deti hain..
-
Dr. Virottama




Kisi Ashiq se puchho Lazzate Aah-O-Buka kya hai..
Tadapna gar na ho ulfat me ulfat ka maza kya hai..

SHAYIR:
BISMIL Bhatkali




KHALID ye zaroori nahi sab zarf ko beche'n..
Jazbaat ko sikko'n se khareeda nahi karte..

SHAYIR:
KHALID FATEHPURI,
Lucknow.




The address of "BATOOL" is:

Monthly BATOOL (Khawateen Digest) Idara-e-Alhasanat.
Purani Khandsar, Rampur (U.P.) 244901.




Famous Urdu digest "BATOOL" is publishing ghazals of GHAZAL4U'S Poets,
Please subscribe this Digest and co-operate with us..




KHALID ye zaroori nahi sab zarf ko beche'n..
Jazbaat ko sikko'n se khareeda nahi karte..

SHAYIR:
KHALID FATEHPURI,
Lucknow.




Is baat ka toh ilm hai saare jahaan ko..
Urdu nawaz kha gaye Urdu zaban ko..

SHAYIR:
SABA DARBHANGVI,
Darbhanga, Bihar.

poetry part 44

Sitam karne se pehle soch lo Biwi pe tum apni,
Agar Damaad bhi tumsa hi mil jaaye toh kya hoga?

SHAYIR:
IBN-E-HASAN Bhatkali




Har gham ko muskura ke gale se laga liya..
Zakhm-e-jigar ko ham ne hansi me chhupa liya..

SHAYIR:
Zia Karnataki,
Bangalore.




Shaam se pehle na bujh paaye charagh-e-hasrat..
Reh na jaaye meri ummeed tamasha ban kar..

SHAYIRAH:
SHAYISTA JAMAL,
Bhopal.




ASLAM badi ajeeb hai ulfat ki zindagi..
Yu'n ro raha hun mai k meri aankh nam nahi..

SHAYIR:
YAQOOB ASLAM,
Vaniyambadi.




Chaman me jab kabhi sair-e-chaman ko aap aate hain.
Chaman ka ghuncha ghuncha taazgi ki baat karta hai.

SHAYIR:
IMRAN ADEEB




Kandha mila ke ab tak jo saath chal raha tha..
Woh ja raha hai mujh ko dhakka laga ke aage..

SHAYIR:
Saifullah Arshad Saif.




Ye zakhm dil ka hai k mahekta gulab hai..
Ud ud ke mere paas jo aati hain titliyaa'n..

SHAYIR:
Ramachandra
RAJ PREMI.




Kisi ki yaad me aansu baha kar kuchh nahi milta..
Mohabbat me khushi apni ganwa kar kuchh nahi milta..

SHAYIR:
MAHTAB AAZAD




Tum ko maloom nahi kitni khubsurat ho..
Phool khud apni hi khushbu ka raaz kya jaane..

SHAYIR:
ILYAS RAHAT
Muzaffar nagari.




Bahut dushwar hai pehchan apni..
Kayi khano'n me ab ham bat gaye hain..

SHAYIR:
FAIYAZ SHAKEEB,
Bangalore..
(Karnataka)

poetry part 43

Roshan Zameer Khwahish-e-dunya mujhe bhi hai.
Lekin kisi chudel ka peechha karega kaun ???

SHAYIR:
ROSHAN ZAMEER,
Bangalore.


Ay parinde ye bulandi sab ko raas aati nahi..
Udte udte toot jayenge tere par laut ja..

SHAYIR:
ALTAF ZIA,
Maharashtra.




Aag seene me lagi hai aur dhuwa'n uthta nahi..
Jo guzarti hai mere dil par baya'n kaise karu'n ???

SHAYIR:
Sibtain Parwana.




Zamee'n par haq jata kar umr bhar ladte rahe lekin..
Zamee'n ka haq ada karna pada
zair-e-zamee'n ho kar..
-
MUKHTAR BADRI




Na hota zowq gar ham ko Ay BISMIL sher kene ka.
Samundar me ghamo'n ke doob kar ham mar gaye hote.

SHAYIR:
BISMIL Bhatkali.




Aksar ye guzarta hai guma'n mujh ko k dunya..
Woh khwab hai jiski koyi ta'beer nahi hai..

SHAYIR:
SHABNAM Bhatkali...




Uski jab pehli nazar mujh se mili thi
Ay Suhail..
Sochna phir muskura kar sar jhukana yaad hai..

SHAYIR:
Dr. Suhail Nizam




Pal bhar ko aaye Aa ke najane kidhar gaye.
Aise gaye k jaise woh ham se mukar gaye.

SHAYIR:
GHOUSE PEER HAMDARD,
Davangere.




Log jalte hain toh jal jaye'n bala se apni..
Naam ke saath tera naam laga rakkha hai..

SHAYIR:
ANEES IBRAHIM,
Bangalore.




Jazba-e-shahe jaha'n sahl nahi hai Rahi..
Warna har shakhs ka ghar TAJ MAHAL ban jata..

SHAYIR:
NAZEER RAHI,
Kolkata.

poetry part 42

Dekh kar jisko tera naam ye dunya legi..
Ek aisi bhi ada hai tere diwane me..

SHAYIR:
KHALID FATEHPURI,
Lucknow (U.P.)




Royega woh tanhayi me ye mujh ko yaqee'n hai..
Mumkin hi nahi meri wafawo'n ko bhulana..

SHAYIR:
NAZEER RAHI,
Kolkata.




Aakhirash maut usko bhi lekar gayi..
Jo apne ko khud Rab batata raha..

SHAYIR:
SHAMEEM HAYAT,
Jayanagar.
(Bangalore)




Kabhi phansne nahi deti hain bete ko balawo'n me.
Khuda ne bakhshi hai taseer woh Maa ki duawo'n me.

SHAYIR:
SABA Darbhangvi




Ham int ke badle me ata karte hain patthar..
Ehsaan kisi ka kabhi sar par nahi rakhte..

SHAYIR:
SHAMS Deobandi,
(U.P.)




Raat ke gehre sannate me hoti hai jab aahat si..
Lagta hai tum mujh se milne chupke chupke aaye ho..

SHAYIRAH:
Dr. Virottama




Bhatakte phir rahe hain raah me
khana badosho'n
se.
Suku'n milta hame'n ghar me toh ham bhi ghar gaye hote.
-
BISMIL Bhatkali


Aag seene me lagi hai aur dhuwa'n uthta nahi..
Jo guzarti hai mere dil par baya'n kaise karu'n ???

SHAYIR:
Sibtain Parwana.




Zamee'n par haq jata kar umr bhar ladte rahe lekin..
Zamee'n ka haq ada karna pada
zair-e-zamee'n ho kar..
-
MUKHTAR BADRI




Har ek cheez thi kitni haseen jab tu tha..
Tere baghair toh har shai udaas lagti hai..

SHAYIR:
ILYAS RAHAT
Muzaffar nagari.

poetry part 41

Kuchh aise rang dikhaye gham-e-jaha'n ne hame'n.
Dilo'n se pyar ka sara khumar jata raha.

SHAYIRAH:
SHAYISTA JAMAL,
(BHOPAL)




Mahek kirdaar se tere agar aaye toh behter hai..
Faqat phoolo'n se daman ko saja kar kuchh nahi milta..

(SHAMEEM KIRATPURI)




Odh kar chehre pe apne muskurahat ki rida..
Phir raha hun mai hawadis ke nagar me aaj kal..

SHAYIR:
IBN-E-HASAN Bhatkali...




Najane khwahishe'n kitni woh paale baitha hai.
Jo apni marzi se ek saans bhar nahi sakta.

SHAYIR:
IMRAN ADEEB
Jhinjhanvi




Rehta hun us ke waaste bechain jaane kyun..
Jis ne mera mizaaj bhi puchha nahi kabhi..

SHAYIR:
SYED HAIDER RAZA,
(Shamli)




Ab gham ka gham mujhe na khushi ki khushi mujhe.
Ek bojh lag rahi hai meri zindagi mujhe.

SHAYIR:
FAROOQ FARHAT,
Vaniyambadi




Qusoor-waar tha woh ho gaya riha phir bhi..
Mai be-gunaah mujhe di gayi saza phir bhi..

SHAYIR:
AHMED NAZEER,
Vaniyambadi.




Ab aisi waadiyo'n se laut aaya hun mai ghabra kar..
Jaha'n tha sirf mai bas aur teri yaado'n ka mela tha..

(SHAMEEM HAYAT)




Woh na aaye
gulshan-e-dil me mere..
Bin khile hi phool murjhane lage..

SHAYIR:
GHOUSE PEER HAMDARD,
Davangere.
(Karnataka)




Unhe gar naaz hai BISMIL ke woh hai
maah-paaro'n me.
Hame'n bhi fakhr hai apni jawani b misali hai.

SHAYIR:
BISMIL Bhatkali.

urdu poetry part 40

Qabil-e-rahm samajhne lage hamdard mujhe..
Mai nahi baant'tha gham ab kisi ghamkhwar ke saath..

SHAYIR:
Ehsan Mukarrampuri.




Hasee'n woh aur bhi lagte hain ham ko is tarah YAHYA..
K jab ghusse me woh ham se kabhi takraar karte hain..
-
YAHYA AL-WASIQ






Bas ek jhalak dikhane ki khatir hi ham ko woh.
Aaye kidhar se aur najane kidhar gaye.

SHAYIR:
GHOUSE PEER HAMDARD,
Davangere




Ye kaam ghair ka hota toh gham nahi hota..
Tumhara naam bhi shamil hai dil dukhane me..

SHAYIRAH:
Shayista Jamal, Bhopal.




Qadam
raah-e-mohabbat par na rakhta gar khabar hoti..
Kise maloom tha ye raasta kaanto bhara hoga..

-
IBN-E-HASAN Bhatkali.




Masiwa jashn ke sab sowg mana kar nikle..
Ghar se doli ki jaga mera janaza nikla..

SHAYIR:
AHMED NAZEER,
Vaniyambadi.




Shehr me ek hami'n aayina saaz thay.
Isliye ham pe patthar uchhale gaye.

SHAYIR:
ABDULLAH RAAZ
Deobandi.
Saharanpur,
(U.P.)




Me usko jeene ki har pal duaaye'n deta hun..
Woh jisne soch rakhi hai mujhe mitane ki..

SHAYIR:
MAHTAB AAZAD Deobandi.




Mai dil ki baat bata dunga usko Ay SURAJ.. Mera jo saamna ek baar us se ho jaaye..

SHAYIR:
SURAJ KARNATAKI,
Hari Har.




Insaan woh kehlane ke qabil nahi hoga..
Seene me agar dard bhara dil nahi hoga..

SHAYIR:
SHABNAM Bhatkali.
(Karnataka)

urdu poetry part 39

Na hota zowq
sher-o-shayiri ka gar hame'n BISMIL.
Samundar me ghamo'n ke doob kar ham mar gaye hote.


SHAYIR:
BISMIL Bhatkali




Teri aankho'n se nigahe'n nahi hat'thi meri..
Jane kya dhoondta rehta hun teri aankho'n me..


SHAYIR:
ILYAS RAHAT, (U.P.)




Tum bhi chaho toh chhidakne ko namak le aao.
Aaj zakhmo'n pe kaha'n rakhta hai marham koyi.


SHAYIR:
ROSHAN ZAMEER,
Bangalore




Na hasrat aish-o-ishrat ki Na daulat ki tamanna hai.
Mujhe har haal me bas aap hi ke sang rehna hai.


SHAYIRAH:
NOURIN MAHEK




Shab ki tareeki me tujh ko dekhne ke waaste..
Jugnuwo'n ke saamne daman ko phailana pada..


SHAYIR:
TALIB SIDDIQUI, Bihar.




Ye kaam ghair ka hota toh gham nahi hota..
Tumhara naam bhi shamil hai dil dukhane me..


SHAYIRAH:
Shayista Jamal, Bhopal.




Qadam
raah-e-mohabbat par na rakhta gar khabar hoti..
Kise maloom tha ye raasta kaanto bhara hoga..


-
IBN-E-HASAN Bhatkali.




Bas ek jhalak dikhane ki khatir hi ham ko woh.
Aaye kidhar se aur najane kidhar gaye.


SHAYIR:
GHOUSE PEER HAMDARD,
Davangere




Hasee'n woh aur bhi lagte hain ham ko is tarah YAHYA..
K jab ghusse me woh ham se kabhi takraar karte hain..
-
YAHYA AL-WASIQ




Qabil-e-rahm samajhne lage hamdard mujhe..
Mai nahi baant'tha gham ab kisi ghamkhwar ke saath..


SHAYIR:
Ehsan Mukarrampuri.

urdu poetry part 38

Ham ne jis dard se kal paayi thi mar mar ke najaat..
Aaj seene me wahi dard utha chahta hai..


SHAYIR:
MAHB00B RAHI, Akola.




Aag lagni thi lag chuki ghar ko.
Aansuwo'n se bujha nahi sakta.


SHAYIR:
SAIFULLAH ARSHAD SAIF,
Maha kali road,
Chickballapur




Khud ko chhupao lakh Libas-e-nashat me.
Sab kuch samjh gaye hain jabee'n ki shikan se ham.


SHAYIR:
SURAJ Karnataki,
Hari Har




Aa jaao intizar na ab kar sakunga mai..
Dunya hai chaar roza ye tum ne suna nahi ???


SHAYIR:
Syed Abubaker Maliki, Bhatkal.




Waqt-e-subh sabze pe jaise wos ki bonde'n gire..
Rooh par yu'n chhod kar apna asar jaate ho tum..


SHAYIR:
SHAMEEM HAYAT




Tujh tak pahonch na payega koyi bhi hadisa..
Mabaap ki duawo'n ki barkat ke saath chal..


SHAYIR:
FAIYAZ SHAKEEB,
Bangalore.




Woh meri tabahi par masroor toh hain KHALID.
Dunya me hai aakhir toh mera bhi Khuda koyi.


SHAYIR:
KHALID FATEHPURI,
Lucknow.




Sar chhupane keliye jisko jaga di mai ne..
Ghar se jab nikla mere kar ke tamasha nikla..


SHAYIR:
AHMED NAZEER,
Vaniyambadi.




Na hasrat aish-o-ishrat ki Na daulat ki tamanna hai.
Mujhe har haal me bas aap hi ke sang rehna hai.


SHAYIRAH:
NOURIN MAHEK

urdu poetry part 37

Ab haal mera ye hai k jeene ki hawas hai..
Maazi me thi har gaam pe marne ki tamanna..

SHAYIR:
HANEEF SHAH SHABNAM, Bhatkal.


Ye faqat jazbaat ka izhaar hai..
Isliye mujh ko GHAZAL se pyar hai..

SHAYIR:
Dr. Suhail Nizam,
Devargudihal road,
(Hubli)


Tumhari bazm ko abaad karne keliye yaaro..
Ham Hasrat Aarzu Khwahish Tamanna chhod aaye hain..

SHAYIR:
Zia Karnataki...


Bin jahez ke unse kaun nata jodega..
Ye ghareeb ke ghar ki Betiya'n samajhti hain..

SHAYIR:
NADEEM FAROOQI,
Ramanagram.


Gulshan ujaadne me khud unka bhi haath tha..
Jo cheekhte hain ab k gulista'n ujad gaye..

SHAYIR:
MUKHTAR BADRI,
Krishnagiri.


Insaniyet ki hai yahi pehchan dosto..
Achha sulook keejye har aadami ke saath..

SHAYIR:
SABA DARBHANGVI, Darbhanga, Bihar.


Mili aasayish-e-dunya usay izzat bhi shohrat bhi..
Sabhi kuchh pa liya phir bhi kami ki baat karta hai..

SHAYIR:
IMRAN ADEEB


Aankho'n ki ye barsate'n ai kaash k tham jaaye'n..
Woh laut ke aa jaaye'n ya unko bhula baithu'n..
-
Dr. Virottama Sargam.


Usay tanhayiyo'n me jab hamari yaad aayegi.
Toh woh rone se pehle hi diya ghar ka bujha dega.

SHAYIR:
TALIB SIDDIQUI, Bihar.



Tere baghair hai dil me ajeeb sannata..
Na ho makeen toh lagta hai ye maka'n tanha..

SHAYIR:
YAQOOB ASLAM,
Vaniyambadi.

urdu poetry part 36

Chahat se uski itna manoos ho gaya hun.
Sab heach sa lage hai uski wafa k aage.

SHAYIR:
Saifullah Arshad Saif,
Chickballapur




Pata dete hain gulshan me teri maujoodgi ka..
Hawa sargoshiya'n karti hai Ghunche bolte hain..

SHAYIR:
MAHB00B RAHI, Akola.




Tum se mai ummeed toh khushiyo'n ki rakhta hun magar.
Meri aankho'n me hamesha ranj bhar jaate ho tum.

SHAYIR:
SHAMEEM HAYAT




Diwana kiya hai mujhe chahat ne kisi ki..
Maqtal bhi mujhe
kucha-e-dildaar lage hai..

SHAYIR:
ABDULLAH RAAZ
Deobandi.




Tujhe toh naaz hai
Ay shaikh sar jhukane par..
Sujood hi se koyi paarsa nahi hota..

SHAYIR:
BISMIL Bhatkali,
(Karnataka)




Bhool baithe hain woh hame'n lekin..
Yaad ham subh-o-shaam karte hain..

SHAYIR:
AHMED NAZEER,
Nethaji nagar,
Vaniyambadi.




Unse puchha mai ne jab tark-e-ta'alluq ka sabab..
Woh mujhe Heero'n jude kangan dikha kar ro pade..

SHAYIR:
ILYAS RAHAT




Chhalak ke aa gaya aankho'n me dard seene ka..
Kisi ne baat uthayi jo muskurane ki..

SHAYIR:
MAHTAB AAZAD
Deobandi. (U.P.)




zaar-o-qataar rone ka arman dil me hai..
Tujh se bichhad ke milne ki naubat kab aayegi..

SHAYIR:
ROSHAN ZAMEER,
Bangalore.




Meri Maa ki duawo'n ki zara taseer toh dekho..
Bichhe hain raah me kaante magar woh phool lagte hain..

SHAYIR:
IBN-E-HASAN