urdu poetry part 298

Ghurbat me bhi vaqaar bachana pada mujhe..
Mujh ko mere zameer ne rone nahi diya..

SHAYIR:
NAZEER RAHI,
Harin bari (Kolkata)

Qatre ki aarzu hai bujha lunga apni pyaas..
Kyun mujh se mil ke RAHI samandar udaas hai..

SHAYIR:
NAZEER RAHI,
Kolkata..


Diya khamosh ho jaye toh mera dil jala lena.
Tumhare raaste me bas charagh-e-dil hi kaafi hai.

SHAYIR:
NAZEER RAHI,
Kolkata.




Jazba-e-shahe jaha'n sahl nahi hai RAHI..
Warna har shakhs ka ghar TAJ MAHAL ban jata..

SHAYIR:
NAZEER RAHI,
Kolkata.


Ham ne toh uske zulm ka shikwa nahi kiya.
Kya baat hai ke aaj sitamgar udaas hai.

SHAYIR:
NAZEER RAHI,
Harin bari.
(Kolkata)


Tamaam umr guzaari thi jin gunaaho'n me..
Bawaqt-e-marg woh manzar phire nigaaho'n me..

SHAYIR:
BISMIL Bhatkali,
(Karnataka)


Mohabbat ke samandar ki woh gehrayi ko kya naape'n.
Tamasha dekhte hain jo kanare par khade ho kar.
-
SHAAD JAMAYI
Bhatkali.


Tum ko hai da'wa agar Tairaak hone ka toh phir.
Meri aankho'n ke samandar me utar kar dekh lo.

SHAYIR:
IBN-E-HASAN Bhatkali.


Dil-e-mayoos me ummeed abhi baqi hai..
Vasl haasil mujhe hoga tera insha'allah..

SHAYIR:
SHABNAM Bhatkali,
(Karnataka)


Zindagi guzri kiraye ke makno'n me meri..
Dil me hasrat hi rahi shaam ko ghar jaaonga..

SHAYIR:
SYED Bhatkali,
(Karnataka)

urdu poetry part 297

Bakhsha tha jo Khuda ne unhe aaj woh maqaam..
Afsos khud hi bhool ke baithi hain Aurate'n..

SHAYIRAH:
NOURIN MAHEK...

Keh kar gaye thay jald hi aayenge laut kar...
Rang-e-hina ko haath taraste hain aaj bhi...

SHAYIRAH:
NOURIN MAHEK....


Tumhare naam ko mahendi se likh likh kar Hatheli par.
Dil-e-nadaan ko jhooti tasalli de rahi hun mai.

SHAYIRAH:
NOURIN MAHEK


Ay Mahek khwabo'n ki dunya me bhatakna chhod de..
Ab bhi hai mauqa sambhal ja warna pachhtayegi tu..

SHAYIRAH:
NOURIN MAHEK.


Gar samajhta hai tu apne waaste mujh ko Gulaab..
Khaar ban kar meri rakhwali bhi karna seekh le..

SHAYIRAH:
NOURIN MAHEK.


Nateeja kuchh na nikla haal-e-dil unko sunane ka.
Woh bal dete rahe aanchal ko bal khata raha aanchal.
-
RAJENDAR NATH REHBAR


Mera vujood ek mukammal kitab hai..
Bad-Qismati se mujh ko kisi ne padha nahi..

SHAYIR:
ILYAS RAHAT Muzaffar nagari. (U.P.)

Mazdoor ki hatheli pe ab kya raha WASIM.
Qismat ki rekha kho gayi chhalo'n ki bheed me.

SHAYIR:
WASIM MALIK, Surat
(Gujarat)


Budha tha woh jo daf'atan Bachcho'n sa ro diya.
Suraj ke doob jaane ke manzar ko dekh kar.

SHAYIR:
SHAMEEM HAYAT,
Bangalore.


Tu chahta toh dilo'n me bhi sab ke rehta magar..
Teri zubaan ne tujh ko sadak pe rakkha hai..

SHAYIR:
WASIM RAJUPURI.