Kaise jeeta hai teri furqat me diwana tera..
Tujh ko dunya se mile fursat toh aa kar dekh le..
SHAYIR:
RAFFATH ASIFI.
Jaha'n me kaun hai aisa jisay kuchh gham nahi hota..
Khushi ki Qadr kya hoti agar matam nahi hota..
SHAYIR:
RAFFATH ASIFI.
Dasht-o-sehra me bhatakte hain najane kitne..
Teri hasrat me bane honge diwane kitne..
SHAYIR:
RAFFATH ASIFI,
Bangalore.
Ye jo mila hai husn tumhe be-misaal hai..
Itra rahe ho jaise ye apna kamaal hai..
SHAYIR:
RAFFATH ASIFI,
Bangalore...
Khushiya'n ho ke Aansu ho Milan ho ke Judayi..
Ye sab toh badalte huwe mosam ki tarah hain..
SHAYIRAH:
Dr. Virottama Sargam.
Ye kis ne chhed di phir baat beete waqt ki KHUSHBU..
Badi mushkil se mera zakhm-e-dil bharne ko aaya tha..
(KUSUM KHUSHBU)
Ham ne suna hai usko bhi Beti huwi hai aaj..
Jo jism Aurato'n ke sada bechta raha..
SHAYIR:
YUNUS PARVEZ AKHTAR,
Bangalore.
Meri yaado'n me mahek teri basi hai ab bhi..
Teri khushbu ko zamane se chhupawu'n kaise..
SHAYIRAH:
URMILA URMI, (Gujarat)
Mujh se anjane me Rakhi ka bharam toota tha..
Bad-dua deti hai meri ye kalayi mujh ko..
SHAYIR:
AALAM NIZAMI,
Balrampur.
