Muflisi kitni khatarnak hai tum kya jaano..
Ye salamat koyi rishta nahi rehne deti..
SHAYIR:
AALAM NIZAMI,
(Balrampur)
Ghareebi lakh thi tahzeeb ka daman nahi chhoda.
Kabhi Beti Bahu ko ham ne nange sar nahi Rakkha.
SHAYIR:
RASHID RAJUPURI.
Ab naya ta'meer kar JAVED koyi aasma'n..
Is purani chhat me toh bachcho'n ke sar lagne lage..
SHAYIR:
JAVED AASI. (U.P.)
Chahe kisi Khajoor ke sadqe se kyun na ho..
Apna bachao kar lo jahannam ki aag se..
SHAYIR:
ABDUL KHALIQ ANEES,
(Bhatkal)
"Whoever stands in(Prayer) in Lailat-ul-Qadr out of Imaan & seeking reward then his previous sins are forgiven."
(Bukhari)
Tumhe gar zinda rehna hai toh rakkho azm fauladi.
Tasadum ho agar patthar se sheesha toot jaata hai.
SHAYIRAH:
NOURIN MAHEK.
Khuda tujhe bhi kahein apne dar se taal na de..
Ay apne dar se sawali ko taalne waale..
SHAYIR:
MAHB00B RAHI,
(Akola)
Waqif nahi jo
jazba-e-ta'meer-o-amal
se..
Karte hain wahi
gardish-e-halaat ka matam..
SHAYIR:
YAQOOB ASLAM,
Vaniyambadi.
Door tak woh Qafilo'n ki rehbari karta raha.
Ek diya jo teergi me timtimaya dair tak.
SHAYIR:
SHABNAM BHATKALI.
(Karnataka)
Prophet (pbuh) Used to perform aitikaf in the last 10 days of Ramazan until Allah the Mighty & Majestic, took him.
(Bukhari)
