urdu poetry part 50

Tumhare waaste dunya se lad sakta hun mai lekin.
Tumhara Haath mere Haath me hona zaroori hai.

SHAYIR:
IBN-E-HASAN Bhatkali




Qatil kabhi Dushman kabhi Dildaar lage hai..
Kya janiye kya mujh ko mera yaar lage hai..

SHAYIR:
ABDULLAH RAAZ Deobandi.




Ham ne usko jo tarasha toh woh shahkaar huwa..
Warna patthar hi tha woh shakhs sanam se pehle..

SHAYIR:
KHALID FATEHPURI.




Shab ke sannate me aksar mai ne ye mehsoos kiya..
Koyi hai jo zeena zeena utar ke mujh tak aata hai..

SHAYIR:
FAIYAZ SHAKEEB




Kaise Maa ke bina woh bahelta bhala..
Baap lekin khilone dilata raha..

SHAYIR:
SHAMEEM HAYAT,
Jayanagar,
Bangalore.




Hamraah koyi chalta nahi dair tak ab ke..
Saath aap ke beeti huwi ek shaam bahut hai..

SHAYIR:
AHMED NAZEER,
Vaniyambadi.




Aaj bhi jiski kasak pehro rulati hai mujhe..
Mujh se woh beete dinau ki baat mat puchha karo..

SHAYIR:
ILYAS RAHAT, (U.P.)




Ehsaas jurm ka tumhe hota bhi kis tarah..
Dil par tumhare chot lagi hai abhi kaha'n ???

SHAYIR:
SHABNAM Bhatkali,
(Karnatak)




Jab na tha dunya me koyi dekhne wala mujhe..
Aasra gham ne diya aur dard ne pala mujhe..

SHAYIR:
SHAMS Deobandi, (U.P.)






Hame'n sharm-o-haya ka dars aise log dete hain..
K jin ko apni laghzish par bhi sharmana nahi aata..

SHAYIR:
Zia Karnataki.

urdu poetry part 49

Tumhare thay Tumhare hain Tumhare hi rahenge Ham..
Zaba'n se aaj dil ki baat ka izhaar karte hain.

SHAYIR:
YAHYA AL-WASIQ




Tu chhin gaya toh pyar ki barsaat chhin gayi..
Ab mere dil ki aag ko thanda karega kaun?

SHAYIR:
ROSHAN ZAMEER,
Bangalore.




Jab apne maazi me jhaanka toh kis qadar gham thay..
Safar taweel tha aur raah me shajar kam thay..

SHAYIRAH:
SHAYISTA JAMAL




Thi jiski deed ki muddat se aarzu mujh ko..
Gali se aaj meri woh guzarne wala hai..

SHAYIR:
SURAJ Karnataki,
Hari Har.




Naseeb apna bhi ab ke
sawarne wala hai..
Koyi nigaah se dil me utarne wala hai..

SHAYIR:
SURAJ Karnataki,
Hari Har...




Meri Qismat me abhi tak shaam-e-gham ka hai sama'n..
Muskurayi subh par mai muskura sakta nahi..

SHAYIR:
YAQOOB ASLAM




Jo saya Baap ka utth jaaye saari zindagi dobhar.
Magar Mamta na ho Maa ki toh Bachche toot jaate hain.

SHAYIR:
MAHB00B RAHI




Teri tasweer ko aankho'n me basa rakkha hai..
Mai ne is tarha sanam paas-e-wafa rakkha hai..

SHAYIR:
MAHTAB AAZAD Deobandi.




Kuchh hamare hi samajhne me huwi hai takheer..
Unki janib se ishare toh kayi baar huwe..

SHAYIR:
MUKHTAR BADRI,
Krishnagiri.




Haweliyo'n me toh sab kuchh hai dosto lekin..
Kaha'n sukoon milega ghareeb khane ka ???

SHAYIR:
GOUHAR TARIKERVI,
Mysore.

urdu poetry part 48

Mai ne maangi thi Mohabbat mil gayi'n Ruswayiya'n..
Raat din dasti hain Nagin ban ke ab tanhayiya'n..

SHAYIRAH:
NOURIN MAHEK




Meri yaado'n ke jangal me pagal hawa..
Ban ke aaya tha woh sarsarata raha..

SHAYIR:
SHAMEEM HAYAT,
Jayanagar, Bangalore.




Maqtal me chala aaya
hun mai Ghar se nikal kar..
Dekhunga mere sar ko Qalam kaun karega..

SHAYIR:
ABDULLAH RAAZ Deobandi.




Jigar ka khoo'n pila kar Maa ne jis Bete ko pala tha..
Usay maloom ye kab tha wahi usko bhula dega..

SHAYIR:
IBN-E-HASAN






Mera shewa tha mohabbat meri aadat thi wafa..
Dosto'n ki kam-nigaahi ne badal dala mujhe..

SHAYIR:
SHAMS DEOBANDI, (U.P.)




Aaj PARWANA koyi karta nahi kaar-e-sawab..
Jo bhi jaata hai toh jaata hai azaabo'n ki taraf..

SHAYIR:
SIBTAIN PARWANA,
Bihar.




Dhoondti rehti hain nazre'n woh phool sa chehra..
Jaane us saawli surat me kashish hai kaisi..

SHAYIR:
ILYAS RAHAT...




Udd gaye hosh mere jab toh woh aankhe'n boli'n..
Hai maza aur hi kuchh jaam k chhalkane me..

SHAYIR:
KHALID FATEHPURI




Jo pee le gham se ghabra kar woh kab jeene ke Qabil hai..
Jise kehte hain mekhwana woh
Na-mardo'n ki mehfil hai.
-
BISMIL




Labo'n par jab tumhare muskurahat dekh leti hun..
Chhupa leti hun apna dard aansu ponchh leti hun..

SHAYIRAH:
Dr. Virottama

urdu poetry part 47

Reh ke parde me bhi badh sakti hai aage Aurat..
Kaun kehta hai taraqqi me rukawat hai Hijab..

SHAYIR:
SHABNAM Bhatkali




Jalan hai Zakhm hain Aansu hain karb aur gham hain..
Koyi bataye bhala kya kami hai mere paas..

SHAYIR:
MAHB00B RAHI,
Akola.




Kyun tharthara raha hai
ahl-e-jafa ke aage..
Jal ja charagh ban kar sarkash hawa ke aage..

SHAYIR:
Saifullah Arshad Saif.




Ashjaar ek taraf hain Mere dost ek taraf..
Mai jaanta hun dhoop me saya karega kaun..

SHAYIR:
ROSHAN ZAMEER,
Bangalore.




Pyar apnate hain kuchh log toh thukrane ko..
Karke ta'meer gira dete hain kashane ko..

SHAYIR:
AHMED NAZEER,
Vaniyambadi.




Khud na aane ki Qasam kha ke gaye ho lekin..
Iltija ye hai k ab yaad bhi aaya na karo..

SHAYIR:
ANEES IBRAHIM,
Bangalore.




Phal phool khatm hote hi har ek shaakh se..
Panchhi tamaam udd gaye tanha raha shajar..

SHAYIR:
Dr. Suhail Nizam, Hubli.




Ro lenge ham kabhi kisi goshe me baith kar..
Ye chashm-e-tar na raaz chhupaye toh kya kare'n ???

SHAYIR:
Zia Karnataki...




Dekhte hain woh mohabbat ki nazar se lekin..
Sab ki masoom nazar ho ye zaroori toh nahi..

SHAYIR:
NAZEER RAHI,
Kolkata..

urdu poetry part 46

Jise thukra ke tu ne kar diya ruswa zamane me..
Najane kis gali me besahara woh pada hoga..

SHAYIR:
IBN-E-HASAN Bhatkali...




Nishane par hai unke har ghadi masoom dil mera.
Dil-e-nazuk pe woh hans kar hamesha waar karte hain.

SHAYIR:
YAHYA AL-WASIQ




Mil ke tum mujh se kahein phir na juda ho jawo..
Ek isi khauf ne neendo'n ko uda rakkha hai..

SHAYIR:
MAHTAB AAZAD Deobandi.




Woh toh taqdeer me tha kisi aur ki..
Mai muqaddar jaha'n aazmata raha..

SHAYIR:
SHAMEEM HAYAT,
Jayanagar,
Bangalore.




Urooj par janab ko ghuroor hai baja magar..
Khabar nahi k kis ghadi ye aaftab dhal pade..

SHAYIR:
SHAMS Deobandi.
(U.P.)






Waqt badla hai toh lazim hai k ham bhi badle'n..
Dosto ! Aao chale'n waqt ki raftar ke saath..

SHAYIR:
Ehsan Mukarrampuri.




Tu mujhe chahe na chahe teri marzi tehri..
Saans ban kar mai tere dil me utar jawunga..

SHAYIR:
SYED BHATKALI,
(Karnatak)




Khidmat-e-nadaar karna bhi ibadat hai teri..
Dil agar toda kisi ka sab ibadat rayiga'n..

SHAYIRAH:
Dr. Virottama Sargam




Mai uske saath na chal pawungi zamane me..
Woh jiska haath raha hai mujhe mitane me..

SHAYIRAH:
SHAYISTA JAMAL,
Bhopal.




Waqt-e-rukhsat toh kaha hans kar Khuda hafiz magar..
Sabr ka jab band toota door ja kar ro pade..

SHAYIR:
ILYAS RAHAT