Jab se suna hai Bewah ki Beti jawan hai..
Us ghamzada se sab ko mohabbat hai in dino'n..
SHAYIR:
SHAMEEM KIRATPURI.
(U.P.)
Dars deta hai sharafat ka jo auro'n ko yaha'n.
Usko khud ilm nahi hai ke sharafat kya hai.
SHAYIR:
SYED Bhatkali
(Karnataka)
Lagta hai mere shehr me hoga fasaad phir..
Chehre ko tere padh liya akhbaar kya padhe'n..
SHAYIR:
SABA DARBHANGVI.
(Bihar)
Jaane kya Lazzat mili hai rooth jaane me tere..
Dil ne ki hai baarha phir be-rukhi ki aarzu..
SHAYIR:
SYED HAIDER RAZA.
Tera Khayal Justju teri na tera Gham..
Hairat me hun ke kaise meri raat kat gayi..
SHAYIR:
JAVED AASI,
Rajupur. (U.P.)
Ghafil kiya hai chain ki ek neend ne mujhe.
Nazre'n chura raha hun mai Tufaan dekh kar.
SHAYIR:
ABDUL KHALIQ ANEES
(Bhatkal)
Unse jab rukhsat huwe ham aankh me aansu liye..
Saamne sau gham khade thay yaad ke chaaqu liye..
SHAYIR:
WASIM RAJUPURI.
Ghayib kaha'n Lughat se mohabbat ki ho gaya..
Aata nahi nazar kahein lafz-e-wafa mujhe..
SHAYIR:
SAIFULLAH ARSHAD SAIF.
Keh kar woh bewafa mujhe rasta badal diya..
Lekin woh jaanta nahi jazbaat ko mere..
SHAYIRAH:
SHEHNAZ GHAZAL,
(Bangalore)
