poetry part 5

Marboot har khushi hai tujhi se Ay meri MAA..
Sarmaya-e-hayat hai tu mere waaste..


SHAYIR:
IBN-E-HASAN Bhatkali.
(Karnataka)


Ek kar ke zindagi bhar ki kamayi ko SABA..
Apni MAA ke doodh ki Qeemat chuka sakta nahi..


SHAYIR:
SABA Darbhangvi,

Haai ! Mere sar se jab se MAA ka saya utth gaya..
Zindagi ki chilchilati dhoop me jalta hun mai..

SHAYIR:
BISMIL Bhatkali...


Mujh se kehti hai hamesha waqt-e-rukhsat meri MAA.
Ja tere sar par duawo'n ka meri saya rahe.

SHAYIR:
SHAAD JAMAYI,
Bhatkal.


9 Maheeno tak jise rakkha tha apne pet me..
Aaj kone me padi hai MAA usi Bete ke ghar..

SHAYIR:
IBN-E-HASAN Bhatkali..


Jab zamane ko mujhe chhune se ghin hoti thi..
Tu ne us waqt bhi chooma hai meri MAA mujh ko..

SHAYIR:
ILYAS RAHAT, (U.P.)

Usko hi das raha hai kisi naag ki tarah..
Jis MAA ne tujh ko doodh pila kar bada kiya..

SHAYIR:
SAIFULLAH ARSHAD SAIF.
(Bihar)


Ungli pakad ke chalna shikhaya tha jisne kal.
Ma'zoor hai woh aaj toh
dar se utha diya.


SHAYIR:
AYUB BAIG DANISH
(Karnataka)


Fan me hamare hai na tumhare hunar me hai.
Jo baat ek MAA ki dua ke asar me hai.


SHAYIR:
TALIB SIDDIQUI,
Darbhanga. (Bihar)


Jaha'n nakaam ho jata hai dil jahd-e-musalsal se..
Waha'n MAA ki duaawo'n ka asar hi kaam aata hai..


SHAYIR:
ABDULLAH RAAZ

poetry part 4

MAA ki Azmat puchhiye
IBN-E-HASAN us shakhs se.
Kat rahi hai umr jiski MAA ki mamta ke baghair.

SHAYIR:
IBN-E-HASAN Bhatkali

Ay meri MAA teri aankho'n me hai mamta meri..
Tere Qadmo me meri zeest ka sarmaya hai..

SHAYIR:
ILYAS RAHAT
Muzaffar nagari.


Badla kaha'n hai tera mere paas meri MAA.
Mera vujood teri mohabbat ki dain hai.

SHAYIRAH:
Dr. Virottama Sargam,
(Bangalore)


Khuda ne god ko MAA ki ajab ta'seer bakhshi hai..
Lipat jaata hu'n MAA se jab thakan mehsoos hoti hai..

SHAYIR:
IMRAN ADEEB


Andhere raasto'n me saath mere roshni ban kar..
Duaaye'n hain meri MAA ki jo mere saath chalti hain..

SHAYIR:
SHAMEEM HAYAT


MAA ne saha jo
dard-e-wiladat tere liye.
Ta-umr uska haq na ada kar sakega tu.

SHAYIR:
Saifullah Arshad Saif,
Chickballapur.


Har museebat se bachaya MAA duawo'n ne teri..
Tera aanchal
ranj-o-gham ki dhoop me saya bana..

SHAYIR:
BISMIL Bhatkali...


Bita di zindagi bachcho'n ne MAA ki khidmat me.
Udhaar Doodh ka baqi raha sada phir bhi.

SHAYIR:
AHMED NAZEER,
Vaniyambadi.

poetry part 3

Biwi ki mohabbat me na kar MAA ko faramosh..
Nadaan ! Tere haq me dua kaun karega ???

SHAYIR:
Haneef Shah Shabnam, Bhatkal.


Doodh pee pee ke tu jis MAA ka pala aur bada.
Tere ghar me usay 2 waqt ki roti bhi nahi.

SHAYIR:
ILYAS RAHAT
Muzaffar nagari


Khushi se baandh leti hai shikam par apne woh patthar..
Magar bachcho'n ko Bhooke MAA kabhi sone nahi deti..

(IBN-E-HASAN)


MAA ki duawo'n ka ye natija hai dosto..
Khush-haal zindagi jo basar kar raha hun aaj..

SHAYIR:
SURAJ KARNATAKI,
(Hari Har)

Ye soch kar hawa me jalaya hai ek charagh..
MAA ki duaaye'n saath hain toofa'n ka khauf kya..

SHAYIR:
MAHTAB AAZAD
Deobandi.


Badlegi rukh ko dekhna taqdeer aaj bhi..
MAA ki dua me aisi hai ta'seer aaj bhi..

SHAYIR:
SYED HAIDER RAZA,
Shamli. (U.P.)


Raaz koyi MAA se apni mai chhupa sakta nahi..
Dastan-e-dil mere chehre se padh leti hai woh..

SHAYIR:
IBN-E-HASAN Bhatkali.


Baad marne ke mai maghfoor kaha jaounga..
MAA tere zaanu pe kuchh dair sula le mujh ko..

SHAYIR:
ROSHAN ZAMEER,
Bangalore..


Jo saya Baap ka utth jaaye saari zindagi dobhar.
Magar Mamta na ho MAA ki toh Bachche toot jaate hain.

SHAYIR:
MAHB00B RAHI


Makhmal ke gaddo'n par leta hun lekin araam kaha'n..
Ay MAA teri godi jaisi neend kaha'n mil jayegi..

SHAYIR:
VIJENDR SAINI

poetry part 2

Bhook se behaal Beta so hi jayega magar.
MAA ke honto'n pe larazti Loriya'n reh jayengi.

SHAYIR:
SYED HAIDER RAZA,
(Shamli)


Woh haqdaar-e-jannat hain beshak Ay Logo..
Jo MAA ke Labo'n par dua dekhte hain..

SHAYIR:
SIBTAIN PARWANA,
Katihar. (BIHAR)

Mujh ko mil jaati hai jaise zindagi ki har khushi..
Muskura deti hai meri MAA mujhe jab dekh kar..

SHAYIR:
IBN-E-HASAN

Mai hun aage
gardish-e-aiyam hai peechhe mere..
Sar pe hai saya fagan MAA ki dua mere liye..

SHAYIR:
NAZEER RAHI,
Kolkata.

Janm diya hai jisne mujh ko naam karu'n roshan uska..
Mujh ko bhi kirdaar ataa kar Yarab meri MAA jaisa..

(Dr. Virottama)

Baad marne ke mai maghfoor kaha jaounga..
MAA tere zaanu pe kuchh dair sula le mujh ko..

SHAYIR:
ROSHAN ZAMEER,
Bangalore..

Raaz koyi MAA se apni mai chhupa sakta nahi..
Dastan-e-dil mere chehre se padh leti hai woh..

SHAYIR:
IBN-E-HASAN Bhatkali.


Jo saya Baap ka utth jaaye saari zindagi dobhar.
Magar Mamta na ho MAA ki toh Bachche toot jaate hain.

SHAYIR:
MAHB00B RAHI


Badlegi rukh ko dekhna taqdeer aaj bhi..
MAA ki dua me aisi hai ta'seer aaj bhi..

SHAYIR:
SYED HAIDER RAZA,
Shamli. (U.P.)
Makhmal ke gaddo'n par leta hun lekin araam kaha'n..
Ay MAA teri godi jaisi neend kaha'n mil jayegi..

SHAYIR:
VIJENDR SAINI