urdu poetry part 242

Zindagi hai dar-haqeeqat aazmayish keliye.
Har Qadam par aadami ka imtiha'n hai dosto.

SHAYIR:
BISMIL BHATKALI,
(Karnataka)


Allah mere mujh ko na aisa mizaaj de..
Jisko khud apne zulm ka ehsaas bhi na ho..

SHAYIRAH:
Dr. Virottama Sargam,
Bangalore.


Samjha na tu Labo pe mere kis ki pyas hai..
Mai ne toh ye suna tha Tu chehra shanaas hai..

SHAYIR:
SHAMEEM HAYAT,
Bangalore.


Ham toh raahi hain safar tehra muqaddar apna..
Leke jayegi jaha'n
raah-guzar jayenge..

SHAYIRAH:
ZAIBUNNISA ZAIBA,
Nibahera.


Bhej de tu des me pariyo'n ke Lori se mujhe..
Ay muqaddas MAA sula de ek thapki se mujhe..

SHAYIR:
RAJENDRANATH REHBAR


Haal-e-dil saari fazawo'n ko batane keliye.
Budhe bargad pe tera naam ham likh aaye hain.

SHAYIR:
JALAL MEHMOODI,
(Karnatak)


Isliye ilzaam dete hain hame'n ahl-e-jaha'n.
Haq ko Haq Nahaq ko Nahaq barmala kehte rahe.

SHAYIR:
JALAL MADANI,
Vaniyambadi


Har lafz lafz mehkega uske labo'n ke saath..
Tanhayiyo'n me jab woh Ghazal gungunayega..

SHAYIR:
KHALID FATEHPURI,
Lucknow.


Zaroorat roz hijrat keliye aawaz deti hai..
Mohabbat chhod kar Hindusta'n jaane nahi deti..

SHAYIR:
MUNAWWAR RANA,
Kolkata.


Be-asar mujh par huwa hai dushmano'n ka zehr tak.
Mujhko lambi umr ki MAA ne dua di thi kabhi.

SHAYIR:
MAHTAB AAZAD
Deobandi

urdu poetry part 241

Ay Mahek khwabo'n ki dunya me bhatakna chhod de..
Ab bhi hai mauqa sambhal ja warna pachhtayegi tu..

SHAYIRAH:
NOURIN MAHEK


Khud tumhari hi nazar tum ko na lag jaye kahein..
Ban sanwar kar aayine ke saamne mat jayiye..

SHAYIR:
IBN-E-HASAN Bhatkali.


Hasrat-e-deed meri aur badhi aur badhi..
Pyaas ko usne badhawa diya parda kar ke..

SHAYIR:
AHMED NAZEER,
Vaniyambadi...


Insaaf karne walo'n ne insaaf kar diya..
Woh Bequsoor tehra hai Lekin saza ke baad..

SHAYIR:
ZIA KARNATAKI,
Bangalore.


Mai ne kitno'n ko samandar se nikala baahar..
Jab mai dooba toh kanare pe koyi tha hi nahi..

SHAYIR:
SHAAD JAMAYI,
(BHATKAL)