urdu poetry part 331

ARSHAD wahi hain EID ki khushiyo'n me pesh pesh.
Pamaal kar rahe thay jo Ramza'n ki azmate'n.

SHAYIR:
SAIFULLAH ARSHAD SAIF.


Ek hai EID ka aur ek hai mera Sargam..
Kaash do chaand liye EID ka manzar aaye..

SHAYIRAH:
Dr. Virottama Sargam,
Bangalore.




GHAZAL4U wishes all the readers
Happy EID-UL-FITR.
May Allah bless all of us accepting our worship that we did in Ramazan.




Phatay kapdo'n me dekha EID k din jab se muflis ko.
Mujhe Ay HAMSAFAR chhubne lage mere naye kapde.

SHAYIR:
HAMSAFAR KUMTAVI




Bichhdo'n ko Mufliso'n ko bhi ho EID ki khushi..
Yarab ! Kisi bhi aankh me is din nami na ho..

SHAYIR:
BISMIL BHATKALI.




Naye kapdo'n se hain mahroom hazaro'n bachche.
Aise soorat me bhala EID manawu'n kaise.

SHAYIR:
SHABNAM Bhatkali
(Karnataka)




Usne yu'n paigham diya hai Rahat EID mubarak ka.
Chand ke beech hina se likh kar mera naam hatheli par.

SHAYIR:
ILIYAS RAHAT




Charau dishaaye'n jaise rango se bhar gayi..
Usne jo aa ke EID MUBARAK kaha mujhe..

SHAYIR:
SHAMEEM HAYAT
Bangalore.




P**** kapdo'n me dekha EID ke din jab se muflis ko.
Mujhe Ay HAMSAFAR chhubne lage mere naye kapde.

SHAYIR:
HAMSAFAR KUMTAVI




Mai EID manawu'n bhi toh kis tarha manawu'n..
Sab kuchh hai mere paas magar tum hi nahi ho..

SHAYIR:
IBN-E-HASAN Bhatkali.

urdu poetry part 330

Rang layegi hina kaise hatheli pe meri..
Tum nahi ho toh bhala EID ki khushiya'n kaisi..

SHAYIRAH:
Dr. Virottama Sargam.




Paigham-e-khushi laaye saba yu'n ke chaman me..
Bulbul se kahe jhuk ke Saman EID MUBARAK..

SHAYIR:
TALIB SIDDIQUI, (Bihar)




Hai kasak kaisi ye RAHAT is baras ki EID me.
Jab kaha tum ne Mubarak bhar aayi'n aankhe'n meri.

SHAYIR:
ILYAS RAHAT, (U.P.)




Dilo'n se ranjisho' ko door karle aa gale mil le'n.
Kaha'n tham jaye saanse'n zindgi ka kya bharosa hai.

SHAYIR:
WASIM MALIK




Reh reh ke yaad aayegi har baat aap ki..
Is baar EID dil pe chalayegi barchhiya'n..

SHAYIR:
WASIM RAJUPURI.
Saharanpur. (U.P




Meri nazar ko tumhari jo deed ho jaaye.
Toh meri EID se pehle hi EID ho jaaye..

SHAYIR:
SHAMS DEOBANDI,
Saharanpur. (U.P.)


Khula rakkha hai mai ne soch kar ye kal se darwaza.
Koyi toh aayega mujh ko Mubarakbad kehne ko.

SHAYIR:
IBN-E-HASAN Bhatkal




Najane is baras aaya hai kaisa EID ka manzar..
Dhali hai shaam par koyi gale milne nahi aaya..

SHAYIR:
SHAMEEM HAYAT.




Ay dost ! Yu'n toh EID manayenge ham magar..
Tere baghair chaand bhi dekha na jayega..

SHAYIR:
MASROOR TABISH,
(Rajupur)




Muddat ke baad EID manane chala tha mai..
Achchha huwa ke aaj teri yaad aa gayi..

SHAYIR:
ROSHAN ZAMEER,
Bangalore...