urdu poetry part 340

Tu na jaane tera pal bhar ko dikhayi dena..
Kitni raato'n ki meri neend uda deta hai..

SHAYIR:
MASROOR TABISH. (U.P.)




Ab ta'assub ke Qafas ko tod kar baahar nikal..
Aadmiyyet ki satah par aadmi ki baat kar..

SHAYIR:
SHAMEEM HAYAT,
Bangalore.




Sambhalo aap apne ko nazakat waqt ki samjho.
Raha ye haal toh meri bhi himmat toot jayegi.

SHAYIR:
NARESH NISAR.
(Surajpur)




Chhod de nadaniya'n ab tu nahi Bachcha HAYAT.
Dawdna titli ke peechhe na-gahaani chhod de.

SHAYIR:
SHAMEEM HAYAT,
Bangalore.




Hayil rahi zuba'n teri rishto'n ke darmiya'n..
Jab bhi chali dilo'n ki ye
doori badha gayi..

SHAYIR:
AYUB BAIG DANISH.




Ham tajribo'n ki dhoop me sadiyo'n jale WASIM.
Bargad ke neeche baith ke Gyani nahi huwe.

SHAYIR:
WASIM MALIK, Surat.
(Gujar




Bhool kar bhi na kabhi koyi tamanna karna..
Warna pad jayega kaanto'n pe guzara karna..

SHAYIRAH:
ANU JASROTIA. (J&K)




Bhanwar se bach nikalne par bahut maghroor mat hona..
Kanaaro'n par bhi aa kar log aksar doob jaate hain..

(SHAMS DEOBANDI)




Woh bewaqoof sar-e-raah daal kar sikke..
Har ek shakhs ki pehchan karna chahta hai..

SHAYIR:
HASEEB SOZ,
Budaun. (U.P.)

urdu poetry part 339

Dekh paate Mukhliso'n ka makr aakhir kis tarah..
Seedhe saadhe log thay woh deedah-war aise na thay..

SHAYIR:
MAHB00B RAHI.




Ada toh Qarz mohabbat ka ham ko karna hai.
Hamari aankho'n ko ab ashkbar rehne de.

SHAYIR:
TALIB SIDDIQUI,
Darbhanga, Bihar.




Agar woh bheeg gaya is baraste Saawan me..
Tamaam shehr ka Paani Sharab kar dega..

SHAYIR:
HASEEB SOZ,
Budaun. (U.P.)




Ab bhi tanhayi me usko yaad kar leta hun mai..
Jis ne haal-e-dil na mujh ko aaj tak kehne diya..

SHAYIR:
ISHWAR DATT ANJUM.




Buri nigaah ta'aqqub me unke rehti hai.
Gharo'n se apne nikalne na do Haseeno'n ko.

SHAYIR:
Dr. Fitrat Bhatkali.
(Karnataka)




Hukoomat par hai Qabza har jaga dast-e-hinayi ka..
Alam jisko samajhte hain wahi aanchal nikalta hai..

SHAYIR:
MUKHTAR BADRI




Mujhe ummeed hai ek din muqaddar jagmagayega..
Meri tareek dunya me woh ban kar Chaand aayega..

SHAYIRAH:
NOURIN MAHEK.




Lakh phir nadamat ho us se kuchh nahi hota..
Ek zara si ghaflat se Dil toh toot jaata hai..

SHAYIR:
SHAMS DEOBANDI. (U.P.)




Wafawo'n ke safar me ajnabi ka kya bharosa hai.
Jise parkha nahi us aadami ka kya bharosa hai.

SHAYIR:
WASIM MALIK,
Gujarat.




Jab kaha tha tum ne mujh ko chashm-e-nam se Alvida.
Khoon ke aansu rulata hai woh manzar aaj bhi.

SHAYIR:
IBN-E-HASAN. (BKL)