urdu poetry part 338

In jazeero'n me teri yaad ke moti hain bahut.

Meri aankho'n me tera aks chhupa rehta hai.


SHAYIR:


KHALID FATEHPURI,
Lucknow.
 
 
Har Qadam par Thokare'n Nakamiya'n Ruswayiya'n..

Kya mohabbat karne walo'n ka yahi anjaam hai ???


SHAYIR:
SYED Bhatkali.
 
 
Phoolo'n ki hifazat par mamoor thay jo kaante..

Takte hain wahi unko ab chhubti nigaaho'n se..


SHAYIR:
IBN-E-HASAN Bhatkali.
 

Mujhe bechain rakhti hai tumhare pyar ki khushbu.

Mohabbat jab se ki tum se meri saanse'n mahekti hain.


Dr. Virottama Sargam
 
 

Tujh ko chaha tere jude me na taanki kaliya'n..

Qaid rakkha mujhe halaat ki zanjeero'n ne..


SHAYIR:
ILYAS RAHAT, (U.P.)
 
 

Deta tha jo wafa ka mujhe dars har ghadi...

Woh khud hi bhool baitha hai naam-e-wafa talak...


SHAYIRAH:
NOURIN MAHEK.
 

Khoon ke rang me doobi huwi har surkhi hai..

Ek nazar daal ke dekho zara Akhbaro'n par..


SHAYIR:
FAIYAZ SHAKEEB,
Bangalore.
 


Unki bhi palak jhapki Apni bhi palak jhapki.

Woh husn-e-taghaful tha Ye husn-e-taqaza hai.


SHAYIR:
YAQOOB ASLAM,
Vaniyambadi
 


Sochne ki apne baare me na mohlat mil saki..

Har ghadi bas aap ke baare me hi socha kiye..


SHAYIR:
HAMSAFAR KUMATAVI.

urdu poetry part 337

Ham toh Khushbu sa hawawo'n me racha karte hain..

Aur chupke se tujhe roz chhuva karte hain..


SHAYIRAH:
KUSUM KHUSHBU.
 

 
 
Kyun kisi ki chahat me raat din tu rota hai..

Aaj ke zamane me kaun kiska hota hai..


SHAYIR:
SABA DARBHANGVI,
(Bihar)
 
 


Na aashna na kisi ajanbi se puchhenge..

Ham uska haal kisi din usi se puchhenge..


SHAYIR:
MASROOR TABISH,
Rajupur. (U.P.)
 

 
Maathe se ponchhte hain paseena Ba-har Qadam..

Tay zindagi ka aise safar kar rahe hain ham..


SHAYIR:
ISHWAR DATT ANJUM.
 
 

Ek baar jo dekha hai tera husn-e-mujassam..

Wojhal meri aankho'n se ye jalwa nahi hota..


SHAYIR:
RAFFATH ASIFI,
Bangalore.
 
 

Raato'n ki neend Din ka suku'n Dosto'n ka pyar..

Sab kuchh bhula diya hai gham-e-rozgaar ne..






SHAYIR:
RASHID RAJUPURI.
 
 

Shama toh kab se roshan hai magar afsos hai ke ab...

Tawaf-e-shama karne ko nahi aata hai parwana...


SHAYIR:
SHAAD JAMAYI.
 
 

Baad muddat ke unhe aaya hai mera aitibaar.

Aa gaye hain Qabr par Aansu bahane keliye.






SHAYIR:
ABDUL KHALIQ ANEES,
(Bhatkal)


 

Usne dekhi hi nahi shehro'n ki rangee'n titliya'n..

Qais toh sehra-nawardi hi me Budha ho gaya..


SHAYIR:
MUKHTAR BADRI.

urdu poetry part 336

Sambhalo aap apne ko nazakat waqt ki samjho.
Raha ye haal toh meri bhi himmat toot jayegi.


SHAYIR:
NARESH NISAR.
(Surajpur)
 
 
Chhod de nadaniya'n ab tu nahi Bachcha HAYAT.
Dawdna titli ke peechhe na-gahaani chhod de.


SHAYIR:
SHAMEEM HAYAT,
Bangalore.
 
 
Hayil rahi zuba'n teri rishto'n ke darmiya'n..
Jab bhi chali dilo'n ki ye doori badha gayi..




SHAYIR:
AYUB BAIG DANISH.
   

Ham tajribo'n ki dhoop me sadiyo'n jale WASIM.
Bargad ke neeche baith ke Gyani nahi huwe.


SHAYIR:
WASIM MALIK, Surat.
(Gujar
 
 
Bhool kar bhi na kabhi koyi tamanna karna..
Warna pad jayega kaanto'n pe guzara karna..


SHAYIRAH:
ANU JASROTIA. (J&K)
 
 
Bhanwar se bach nikalne par bahut maghroor mat hona..
Kanaaro'n par bhi aa kar log aksar doob jaate hain..


(SHAMS DEOBANDI)
 
 
Woh bewaqoof sar-e-raah daal kar sikke..
Har ek shakhs ki pehchan karna chahta hai..


SHAYIR:
HASEEB SOZ,
Budaun. (U.P.)
 
 
Us shaam ki tanhayi bana deti hai pagal..
Jis roz bhi tum shaam ko chhat par nahi aate..


SHAYIR:
WASIM RAJUPURI. (U.P.)
 
 
Jo Tayir apna koyi aashiyana hi nahi rakhta.
Gulista'n me usay andesha-e-barq-o-sharar kya hai.




SHAYIR:
Dr. Fitrat Bhatkali.