urdu poetry part 290

Jab bhi padti hai zaroorat ham huwe seena-sipar..
Ham Lahu kya sar bhi dete hain watan ke waaste..

SHAYIR:
JAWWAD HASAN.

Khushiyo'n ki aarzu liye phirta tha Gham mile..
JAWWAD kya talab thi zamane ne kya diya..

SHAYIR:
JAWWAD HASAN,
Bangalore.


Kab tak aakhir mujh se tu door rahega ye toh bata..
Chaar Qadam toh saath me chal kitna achchha lagta hai..

(JAWWAD HASAN)


Mahek utthe'n dareeche phool mehke mere gamlo'n me.
Agar tu aaye toh ghar me bahaare'n bhi utar jaye'n.

SHAYIR:
JAWWAD HASAN


Tera saya na ho sar par toh ham 2 din me mar jaye'n..
Tera dar chhoot jaye toh kaha'n jaye'n kidhar jaye'n..

(JAWWAD HASAN)


Kaisi shokhi ye ada kaisi ye aadat kaisi.
Rootth jaate hain toh khud aap hi man jaate hain.

SHAYIR:
ANEES IBRAHIM,
Bangalore


Jaan de kar bhi na haq ham se ada ho paya..
Log asaan samajhte hain Mohabbat karna..

SHAYIR:
WASIM MALIK, Surat.
(Gujarat)


Barishe'n khoob zarurat ki huwi Ham ne magar..
Apni khuddari ke chappar ko tapakne na diya..

SHAYIR:
WASIM RAJUPURI. (U.P.)


Kya aaj unse apni mulaqaat ho gayi.
Sehra pe jaise toot ke barsaat ho gayi.

SHAYIR:
RAJENDAR NATH REHBAR,
Pathankot (Punjab)


Kehte thay bhayi-chara jise baahami kabhi..
Udd kar mundeer se woh Kabutar chala gaya..

SHAYIR:
SHAMEEM HAYAT,
Bangalore.