urdu poetry part 318

Yarab ye kya azaab hai nasl-e-jadeed par..
Karti hai aish purkho'n ki dastaar bech kar..

SHAYIR:
AALAM NIZAMI,
Balrampur.




Gardish-e-aiyam jab mera muqaddar ban gayi..
Mere mamnoon-e-karam tak bhi na pehchane mujhe..

SHAYIR:
SHAMEEM KIRATPURI.




Ek markaz pe tawajjuh rahi markooz meri..
Mai ne afkaar ka sheeraza bikharne na diya..

SHAYIR:
SHABNAM BHATKALI,
(Karnataka)




Raat soye thay tasauwur ke chaman-zaaro'n me..
Subh jaage toh khayalaat ka sehra paya..

SHAYIR:
MAHB00B RAHI,
(Akola)




Whenever a Muslim supplicates for his(Muslim) brother in his absence, the angels say: May the same be for you too.
(Muslim)




Mahfooz jiski lau se na ho'n ghar ke baam-o-dar..
Aise diye ko SHAMS bujha dena chahiye..

SHAYIR:
SHAMS DEOBANDI. (U.P.)




Koyi ek kash laga kar phenk deta hai CIGAR apna..
Koyi afsos karta hai jo BEEDI toot jaati hai..

SHAYIR:
JAVED AASI. (U.P.)




Ghul raha hai har lamha zindagi ka sarmaya..
Barf ke pighalne me dair kitni lagti hai..

SHAYIR:
SYED HAIDER RAZA.
(Shamli)




Kar guzarte ho akele hi
Burayi ko magar.
Saath sab ka chahiye tum
ko Bhalayi ke liye.

SHAYIR:
AYUB BAIG DANISH,
(Karnataka)




Kis tarha mil sakegi hidayet unhe ANEES..
Khud ko sanwaarne ki jinhe'n fikr hi nahi..

SHAYIR:
ABDUL KHALIQ ANEES.
(Bhatkal)