urdu poetry part 60

Agar Dushman ke haatho'n lut gaye hote toh gham kya tha..
Yahi hai gham k apne Dosto'n ne ham ko loota hai..
-
Zia Karnataki.




Kyukar mai apne aap ko samjhu'n k haq pe hun..
Dunya mere khilaaf huwi hai abhi kaha'n ???


SHAYIR:
SHABNAM Bhatkali...




Meri khushiyo'n ke charagho'n ko bujhaya usne..
Aur ek umr mujhe khoon rulaya usne.


SHAYIR:
Ehsan Mukarrampuri,
Bihar.




Mai Insaa'n banne nikla tha k Shayir kar diya Rab ne..
Basarat ke tajassus me Baseerat mil gayi mujh ko..
-
FAIYAZ SHAKEEB






Padhta bhi koyi kaise k chehra safaid tha.
Dil tak hi rakkhi ham ne jo dil par guzar gayi.


SHAYIR:
KHALID FATEHPURI,
Lucknow




Khud aag laga kar ham dharti ki baharo'n me..
Ab dhoondne nikle hain sukh chain sitaro'n me..


SHAYIR:
BISMIL Bhatkali...




Mujh ko mil jayegi SHAYISTA andhere se najaat.
Meri raato'n me woh aaye toh ujala ban kar.


SHAYIRAH:
SHAYISTA JAMAL, BHOPAL.




Dushmani ki tarah itni aasa'n nahi..
Hausla chahiye Dosti keliye..


SHAYIR:
ABDULLAH RAAZ Deobandi,
Saharanpur. (U.P.)




Kitna hasee'n sama tha mohabbat ka in dinau'n.. Nafrat ki aag kis ne lagadi hai shehr me..


SHAYIR:
Saifullah Arshad Saif.




Mat banaya keejiye Rukhsaar pe kajal ka til..
Dekh lega aap ko toh Chand bhi sharmayega.


SHAYIR:
SABA DARBHANGVI, Bihar.