urdu poetry part 91

Uske saaye me thakan apni mita leta tha..
Uski Qurbat thi mere waaste peepal ki tarah..

SHAYIR:
IMRAN RAQIM,
Kolkata.






Jin ki rag rag me ho imaan ka saiyaal rawa'n.
Woh bharosa nahi karte kabhi hathyaro'n par.

SHAYIR:
FAIYAZ SHAKEEB,
Bangalore






Sharm-o-haya ko rakh ke woh baalaye-taaq ab.
Phirti hai beniyaz dupatte se dar-ba-dar.

SHAYIRAH:
SHEHNAZ GHAZAL,
Bangalore.






Meri zindagi thi udas C Jo mile ho tum to A haal hai,
Koi shakh jaise Gulab ki Kahein tharthara k lachak utthi.
-
ILYAS RAHAT






Mai apni pyas ki toheen kar nahi sakta..
Ye aur baat samandar pukaarta hai mujhe..

SHAYIR:
ZAMEER YUSUF,
Howrah. (W.B.)






Zehn darwaze pe rehta hai nazar aangan me..
Jiski Beti ho jawa'n uski rihayi kaisi..

SHAYIR:
AMEER ANSARI,
Hasanpur. (U.P.)






Wafa shi'aar hun mai is Qadar mere hamdam..
Tera Qusoor bhi apni khata lage hai mujhe..

SHAYIR:
ANEES IBRAHIM,
Bangalore.






Jalta huwa ghar dekh ke aata tha jise lutf.
Ab apne hi khud ghar ka dhuwa'n dekh raha hai.

SHAYIR:
SYED BHATKALI
(Karnataka)






Chand nadeeda baharo'n ki tamanna le kar..
Ham bhatakte rahe iflaas ke bazaro'n me..

SHAYIR:
MUKHTAR BADRI,
Krishnagiri.




Padho toh aaj bhi har lafz se khushbu bikharti hai.
Kuch aise khat meri boseeda almari se nikle hain.

SHAYIR:
ZAFAR Ranipuri