urdu poetry part 21

Ab aisi waadiyo'n se laut aaya hun mai ghabra kar..
Jaha'n tha sirf mai bas aur teri yaado'n ka mela tha..

(SHAMEEM HAYAT)


Woh na aaye
gulshan-e-dil me mere..
Bin khile hi phool murjhane lage..

SHAYIR:
GHOUSE PEER HAMDARD,
Davangere.
(Karnataka)


Unhe gar naaz hai BISMIL ke woh hai
maah-paaro'n me.
Hame'n bhi fakhr hai apni jawani b misali hai.

SHAYIR:
BISMIL Bhatkali.


Nazuki unke Labo'n ki na puchhiye RAHAT..
Uff mai honto'n se bhi chhuta hun toh dar lagta hai..

SHAYIR:
ILYAS RAHAT,
(U.P.)


Aaj mehfil me sabho'n ke saamne meri taraf.
Muskura kar aap ka yu'n dekhna achchha laga.

SHAYIRAH:
SHEHNAZ GHAZAL,
Bangalore


Haram me Dair me Gulshan me
Dasht-o-sehra me.
Tujhe talash kiya hai kaha'n kaha'n ham ne.

SHAYIR:
ANEES IBRAHIM,
Bangalore.


Jiski mitti me rachi
khu-e-wafadari nahi.
Ishq uska ghair-meyari hai meyari nahi.

SHAYIR:
MAHB00B RAHI,
Akola. (Maharashtra)


Tumhe hai showq har dam meri himmat aazmane ka.
Toh mai bhi hausala rakhta hun koh-e-gham uthane ka.

SHAYIR:
FAIYAZ SHAKEEB


Zindagi ki uljhano'n se jab bhi ghabrane laga..
Mai kalaam-e-paak padh kar khud ko suljhane laga..

SHAYIR:
ZIA KARNATAKI

Ek dosheeza ki khwahish toh faqat hai itni.
Aish-o-ishrat nahi haato'n me Hina maange hai.

SHAYIR:
Dr. Suhail Nizam,
(Hubli)