urdu poetry part 112

Jahez keliye karte hain biwiyo'n ko halak..
Ye log woh hain jo insaa'n nahi darinde hain..

SHAYIR:
SHABNAM Bhatkali.






Beti hai jinke ghar me woh sochte hain aksar..
Kaise jahez ki ho payegi maang poori..

SHAYIR:
NAGHMA Karnataki,
Hari Har.






Lekar jahez koyi tawangar huwa hai kab..
Izzat samaaj me gayi daulat badhi nahi..

SHAYIR:
ILYAS RAHAT,
Muzaffar nagar.






Bas itna jurm tha k woh laayi na thi jahez..
Shohar ne usko aag me zinda jala diya..

SHAYIR:
IBN-E-HASAN Bhatkali..




Aansu diye unhi ko hansi chhinne ke baad..
Tujh ko diya jinhone Kaleja nikaal ke..

SHAYIRAH:
Dr. Virottama,
Bangalore...






Biwi ke dil me ab teri izzat kaha'n rahi..
Tu ne jahez maang ke sab kuchh ganwa diya..

SHAYIRAH:
Dr. Virottama,
Bangalore.






Guzre hain nigaho se is tarha ke manzar bhi..
Murj**** huwe dekhe hum pool bahaaro'n me..

SHAYIR:
BISMIL Bhatkali...






Muflisi me ek Ladki muntazir baithi rahi.. Lautne wala samaaji Lanato'n me kho gaya..

SHAYIR:
ILYAS RAHAT,
Muzaffar nagar.






Talab mat keejye k bheek achhi hai jahezo'n se..
Ye lanat hai karo is pe malamat naujawa'n naslo..
-
SAIFULLAH ARSHAD SAIF






Dukhtar ki apni Baap ne shaadi ke waaste.
Damaad ko khareed liya ghar ko bech kar.

SHAYIR:
AYUB BAIG DANISH,
Chickballapur.