urdu poetry part 123

Chalo taqseem kar aaye'n nayi khushiya'n zamane me..
Naya ye saal jis se beet jaye muskurane me..

SHAYIR:
ILYAS RAHAT






Allah rakhe aap ko mahfooz ghamo'n se..
Khushiyo'n se bhare aap ka daman ye Naya Saal..

SHAYIR:
IBN-E-HASAN Bhatkali..






Hame'n yaad rakkhe'n ye sadiya'n HAYAT..
Naye saal me kuchh toh aisa kare'n hum..

SHAYIR:
SHAMEEM HAYAT,
Bangalore.






Mohabbato'n ki mahek chaar su bikhar jaaye..
Dua karo k ye saal amn se guzar jaaye..

SHAYIR:
ROSHAN ZAMEER,
Bangalore.






Naya hai saal tumko hain duaye'n muskurane ki.
Tumhe ek pal me mil jaye'n sabhi khushya'n zamane ki.

SHAYIRAH:
Dr. Virottama






Labo pe mohabbat ke naghmaat le kar..
Naya saal aaya nayi baat le kar..

SHAYIR:
SABA Darbhangvi,
Darbhanga, Bihar.






Mubarak ho naya ye saal aaya hai Mubarak ho..
Tumhari zindagi me Laaye'n ye khushiyo'n ki saug****'n..

SHAYIR:
ILYAS RAHAT






Mahek utthe'n tumhare din Rahe'n phoolo'n ki barsate'n..
Sabhi raate'n hi ban jaaye'n tumhari chandni raate'n..
-
ILYAS RAHAT






Maar charau samt se jheli hai beete saal ne..
Ab naye aate huwe is saal ki baate'n karo..

SHAYIR:
YASIR ILYAS,
Bangalore.