urdu poetry part 188

Rudad-e-ishq apni kis kis ko ab sunaown..
Dooba huwa hai gham me mera har ek fasana..

SHAYIR:
SURAJ KARNATAKI
Hari Har.






Ab woh mehki huwi zulfau ki haseen shaam nahi.
Uski baaho se bichhad kar mujhe araam nahi.

SHAYIR:
SIRAJ ZEBAYI
Vaniyambadi.








Ta-zindagi mai jisko bhula bhi na sakunga..
Afsos ! Usko apna bana bhi na sakunga..

SHAYIR:
SHAMEEM HAYAT
Bangalore..






Daf'atann aankho ke aage uska aana kya kahun...
Hashr se pehle hi goya hashr barpa ho gaya...

SHAYIR:
Faiyaz Shakeeb








Chalo Ab aa bhi jao mai bahut bechain hun tum bin..
Shab-e-furqat ka har lamha sadi maloom hota hai..

SHAYIR:
IBN-E-HASAN






Qayamat tak rahega silsila jaari mohabbat ka..
Fida karte rahenge log dil apna haseeno par..

SHAYIR:
SHABNAM Bhatkali.






Mile na tu mujhe 2 din toh aisa lagta hai..
Tujhe mile huwe beete hain zamane kitne..

SHAYIR:
ILYAS RAHAT
Muzaffar nagar.








Wo jin me aa ke rulata hai tu mujhe aksar..
Lage hain mujh ko wahi khwab suhane kitne..

SHAYIR:
ILYAS RAHAT
Muzaffar nagar.








Jab tak chaman se kaante nikaale na jayenge..
Hote rahenge phoolon k paikar lahu lahu..

SHAYIR:
ROSHAN ZAMEER
Bangalore..






Ye bhi hai ajab ek ada-e-mohabbat..
Badi dilnasheen hai jafa-e-mohabbat..

SHAYIR:
Dr. Mohammad Husain Fitrat Bhatkali..