urdu poetry part 108

Jawoge kaha'n bach ke jab dil me basa lenge..
Kajal ki tarah tum ko aankho'n me sama lenge..

SHAYIR:
SABA DARBHANGVI,
Bihar.






Unse kya mil gayi RAAZ apni nazar..
Har kisi se nazar hum churane Lage..

SHAYIR:
ABDULLAH RAAZ DEOBANDI,
Saharanpur. (U.P.)




Woh sochta tha mujhe phoonk se bujha dega..
Usay khabar hi nahi thi k aftaab hun mai..

SHAYIR:
SHAMS DEOBANDI,
Saharanpur.






Tere baghair jeene ke hain aur bhi sabab..
Nakam ishq ne mujhe jeena sikha diya..

SHAYIR:
BISMIL Bhatkali...
** * **






Chale aate ho be parda sar-e-bazar tum aksar..
Mata-e-husn meri jaan sakhawat yu'n nahi karte..

SHAYIR:
AHMED NAZEER






Dil-e-mayoos me ummeed abhi baqi hai..
Vasl haasil mujhe hoga tera insha'allah..

SHAYIR:
Haneef Shah Shabnam,
Bhatkal..






Shola tamaam umr woh samjhe rahe mujhe..
Is waaste gale se lagaya nahi mujhe..

SHAYIR:
SHAMEEM HAYAT,
Bangalore....






Khuda ne zindagi de kar hame'n ek raah batla di..
Talashe'n hum wahi rasta hamari zimmedari hai..

SHAYIRAH:
Dr. Virottama






Har koyi padh raha hai tere dil ki daasta'n..
Chehra bhi ek kitaab hai tu jaanta nahi..

SHAYIR:
ROSHAN ZAMEER,
Bangalore.






Zindagi ke kya maqasid hain samajh me aayenge..
Tum hisaar-e-zaat se baahar nikal kar dekhiye..

SHAYIR:
ILYAS RAHAT...